Íslandsspil er traustur bakhjarl Slysavarnafélagsins Landsbjargar

Íslandsspil er traustur bakhjarl Slysavarnafélagsins Landsbjargar

Íslandsspil er traustur bakhjarl Rauða krossins

Íslandsspil er traustur bakhjarl Slysavarnafélagsins Landsbjargar

Íslandsspil er traustur bakhjarl SÁÁ

Íslandsspil er traustur bakhjarl Rauða krossins

Eigendur
Loka

Rauði krossinn

  • Rauði krossinn á Íslandi
  • Efstaleiti 9
  • 103 Reykjavík
  • Sími 570-4000 | 570-4010
  • E-mail: central@redcross.is

Rauði krossinn á Íslandi á 64% eignahlut í Íslandsspilum og er sá hlutur einn mikilvægasti tekjustofn félagsins.

Tekjur frá Íslandsspilum gera Rauða krossinum kleift að halda uppi neyðarvörnum vegna áfalla og hamfara og vinna að hjálpar- og mannúðarstarfi á Íslandi sem og erlendis.

Rauði krossinn er elsta og útbreiddasta mannúðarhreyfing í heimi með starfsemi í 190 löndum. Rauði krossinn á Íslandi er félag 20 þúsund félagsmanna sem tilheyra 42 deildum um allt land. Sjálfboðaliðar Rauða krossins eru um 3.000 og starfa þeir að innlendum verkefnum sem og erlendu hjálparstarfi.

 

Rauði krossinn ver mestum hluta tekna sinna til mannúðarstarfs innanlands á hverju ári:

  • Rekur öflugt neyðarvarnakerfi vegna alvarlegra atburða
  • Svarar meira en 15 þúsund símtölum og netspjöllum í Hjálparsíma Rauða krossins 1717
  • Heimsækir félagslega einangraða og þá sem áhuga hafa á, bæði sem heimsóknavinir og símavinir en einnig hundavinir
  • Aðstoðar mörg hundruð manns af erlendum uppruna við að aðlagast samfélaginu
  • Stuðlar að skaðaminnkun með rekstri Konukots og Frú Ragnheiðar
  • Rekur þrjú athvörf fyrir fólk með geðraskanir
  • Styður við fjöldamörg verkefni erlendis
  • Kaupir og rekur alla sjúkrabíla á Íslandi

Frekari upplýsingar um störf Rauða krossins http://www.raudikrossinn.is/

Loka

Slysavarnafélagið Landsbjörg

  • Slysavarnafélagið Landsbjörg
  • Skógarhlíð 14
  • 105 Reykjavík
  • Sími 570-5900, símbréf 570-5901
  • Email: skrifstofa@landsbjorg.is

Slysavarnafélagið Landsbjörg eru landssamtök björgunarsveita og slysavarnadeilda á Íslandi. Undir merkjum Slysavarnafélagsins Landsbjargar starfa þúsundir sjálfboðaliða, í 93 björgunarsveitum, 33 slysavarnadeildum og 54 unglingadeildum. Starfsemin miðar að því að koma í veg fyrir slys og bjarga mannslífum og verðmætum á sjó og landi.

Þrátt fyrir að félagsfólk sé allt sjálfboðaliðar er rekstrarkostnaður mikill. Björgunartæki og búnaður, auk menntunar og þjálfunar björgunar- og slysavarnafólks kostar háar fjárhæðir á ári hverju. Slysavarnafélagið Landsbjörg á 26,5% eignahlut í Íslandsspilum og hlutdeild samtakanna í rekstrarhagnaði Íslandsspila er mikilvæg fyrir starfsemina.

  • Um 13.000 félagar 
  • Rúmlega 4.300 manns á útkallsskrá 
  • 1.300-1.600 útköll á hverju ári 
  • 13 björgunarskip og á annað hundrað minni bátar 
  • Björgunarskóli
  • Slysavarnaskóli sjómanna
  • Hálendisvakt björgunarsveita

Frekari upplýsingar um félagið http://www.landsbjorg.is

Loka

SÁÁ

  • S.Á.Á
  • Efstaleiti 7
  • 103 Reykjavík
  • Sími 530 7600
  • Email: saa@saa.is

Samtök áhugafólks um áfengis- og vímuefnavandann (SÁÁ) eiga 9,5% eignahlut í Íslandsspilum. Starfsemi SÁÁ er viðamikil og fé úr söfnunarkössum Íslandsspila mikilvægt í rekstri samtakanna.  

SÁÁ sinnir fræðslu og veitir faglega meðferð fyrir áfengis- og vímuefnasjúklinga. Félagsmenn í samtökunum eru sjö þúsund. 

Hjá SÁÁ starfa um 100 starfsmenn sem veita þjónustu til um 10 þúsund einstaklinga sem til þeirra leita árlega.

  • Sjúkrahúsið Vogur. Alhliða meðferðaþjónusta – þungamiðjan í starfinu
  • Göngudeildir í Reykjavík og Akureyri: Viðamikil göngudeildarþjónusta fyrir áfengis- og vímuefnasjúklinga  og aðstandendur þeirra. Einnig fyrir einstaklinga með spilavanda og fjölskyldur þeirra
  • Vík, Kjalarnesi. Framhaldsmeðferð, sérsniðin að þörfum kvenna
  • Von, hús SÁÁ við Efstaleiti 7. Forvarnir, fræðsla og félagsstarfsemi
  • Vin, Reykjavík, sambýli fyrir hóp sjúklinga í langtímastuðningi

Frekari upplýsingar um viðamikið starf samtakanna: http://www.saa.is

Rauði krossinn á Íslandi á 64% eignahlut í Íslandsspilum og er sá hlutur einn mikilvægasti tekjustofn félagsins.

Tekjur frá Íslandsspilum gera Rauða krossinum kleift að halda uppi neyðarvörnum vegna áfalla og hamfara og vinna að hjálpar- og mannúðarstarfi á Íslandi sem og erlendis.

Lesa meira

Þrátt fyrir að félagsfólk í Slysavarnafélaginu Landsbjörg sé allt sjálfboðaliðar er rekstrarkostnaður mikill.

Samtökin eiga 26,5% eignahlut í Íslandsspilum og hlutdeild þeirra í rekstrarhagnaði Íslandsspila er mikilvæg fyrir starfsemina, nýtist það framlag bæði í rekstur á tækjum og til þjálfunar björgunar- og slysavarnafólks.

Lesa meira

Samtök áhugafólks um áfengis- og vímuefnavandann (SÁÁ) eiga 9,5% eignahlut í Íslandsspilum. Starfsemi SÁÁ er viðamikil og fé frá Íslandsspilum er afar mikilvægt í rekstri samtakanna.  

SÁÁ sinnir fræðslu og veitir faglega meðferð fyrir áfengis- og vímuefnasjúklinga. 

Lesa meira
Leikirnir

Leikirnir

Leikirnir í spilakössum Íslandsspila eru fyrir 18 ára og eldri. Íslandsspil er annar tveggja aðila sem hafa leyfi til rekstrar spilakassa á Íslandi. Íslandsspil starfa samkvæmt lögum um söfnunarkassa (73/1994) og reglugerð um söfnunarkassa (320/2008).

Spilakassar Íslandsspila eru staðsettir annars vegar í söluturnum og verslunum, og hins vegar í spilasölum eða á vínveitingastöðum.

Í kössum staðsettum í söluturnum og verslunum er hægt að leggja undir 10-250 krónur og hámarksvinningur er 20.000 krónur.

Í spilasölum/vínveitingastöðum er hægt að leggja undir að hámarki 300 krónur og hæsti staki vinningur er 300 þúsund krónur. 

Vinningshlutfall í öllum kössum Íslandsspila er að meðaltali 92%. Tilviljun ein ræður útkomu leikja og ekki er með neinum hætti hægt að hafa áhrif á vinningslíkur í kössunum. 

Reglur

  • Íslandsspil starfa samkvæmt lögum um söfnunarkassa (73/1994) og reglugerð um söfnunarkassa (320/2008).
  • Í spilakössum Íslandsspila eru leikir fyrir 18 ára og eldri. Einstaklingum undir 18 ára er óheimilt að spila í kössunum Íslandsspila og eiga ekki tilkall til vinnings.
  • Eigandi vinningsmiða ber að vísa gildum persónuskilríkjum, sé þess óskað, til að fá vinning greiddan.
  • Vinningsmiða skal innleysa innan gildistíma – annars telst miði ógildur.
  • Íslandsspil ber ekki ábyrgð á stolnum eða týndum vinningsmiðum.
  • Eigandi miða ber ábyrgð á að sannreyna upplýsingar á vinningsmiða og tilkynna hið fyrsta hugsanlegar villur.
  • Vinningsmiði telst ógildur sé strikamerki ólæsilegt í tölvukerfi Íslandsspila.
  • Vinningsmiði telst ógildur hafi verið átt við hann á einhvern hátt.

Spurt og svarað

Hvað er peningaspil?

Með orðinu peningaspil er átt við hvers kyns spil þar sem peningar eru lagðir undir eða greiða þarf fyrir þátttöku og tilviljun ræður að einhverju eða öllu leyti til um niðurstöðuna. 

Fyrir hverja eru leikir Íslandsspila?
Leikir Íslandsspila eru leikir fyrir 18 ára og eldri. 

Hvert er vinningshlutfall og vinningslíkur í kössum Íslandsspila?
Samkvæmt reglugerð skal vinningshlutfall vera að lágmarki 89%. Vinningshlutfall í spilakössum Íslandsspila er að meðaltali 92%. Hafa ber í huga að þetta meðaltal byggir á þúsundum tilviljunarkenndra útkoma og er ótengt vinningslíkum, sem eru breytilegar fyrir sérhvern leik. 

Má með einhverju móti hafa áhrif á vinningslíkur í kössunum?
Ekki er með nokkru móti hægt að hafa áhrif á vinningslíkur, en tilviljun ein ræður útkomu leikja. Háþróaður tölvubúnaður stjórnar því að sérhver aðgerð og útkoma á spilakassa er algerlega óháð fyrri aðgerðum og því hvernig er spilað á kassann. Starfsfólk Íslandsspila getur ekki breytt eða stillt vinningslíkur. 

Hvað á ég að gera ef kassinn sem ég spila í bilar eða miðinn prentast ekki út?
Snúa sér til umsjónarmanns eða hafa samband í þjónustusíma Íslandsspila í 800-5444

Spilavandi, hvar má nálgast upplýsingar?
Upplýsingar um spilavanda, sem og almennar upplýsingar um peningaspil, má finna á síðu Ábyrgrar spilunar.

Um Íslandsspil

Íslandsspil

Íslandsspil er sameignarfélag í eigu þriggja félagasamtaka sem öll vinna að almannaheill á Íslandi. Þau eru Rauði krossinn á Íslandi, Slysavarnafélagið Landsbjörg og SÁÁ.

Íslandsspil reka spilakassa og rennur allur ágóði af rekstri fyrirtækisins til eigenda þess í réttu hlutfalli við eignarhlut þeirra.

Rauði krossinn er stærsti eigandi Íslandsspila með 64% eignarhlut, Slysavarnafélagið Landsbjörg 26,5% og SÁÁ 9,5%.

Eigendur Íslandsspila bera engan kostnað af rekstri félagsins. Framlag Íslandsspila er viðbót við sjálfsaflafé, styrki og frjáls framlög til félagasamtakanna þriggja. Leyfi stjórnvalda til Íslandsspila um rekstur söfnunarkassa grundvallast á því að  veita eigendum félagsins möguleika til tekjuöflunar vegna almenns rekstrar og draga þannig úr beinum útgjöldum ríkissjóðs sem annars þyrfti að koma til.

Íslandsspil starfa samkvæmt lögum um söfnunarkassa (73/1994) og reglugerð um söfnunarkassa (320/2008)

Rekstur spilakassa á Íslandi

Á Íslandi reka tvö fyrirtæki spilakassa, Íslandsspil og Happdrætti Háskóla Íslands. Hagnaður Íslandsspila rennur til hjálpar- og mannúðarstarfsemi en hagnaður HHÍ til viðhalds og nýbygginga við Háskóla Íslands.

Árið 2018 var markaðshlutdeild spilakassa Happdrættis Háskóla Íslands 64% og hlutdeild Íslandsspila 36%. Þá höfðu tekjur á þessum markaði aukist um 21% frá 2015 og rann tekjuaukningin öll til HHÍ. Helsta ástæða þessarar sterku stöðu HHÍ er sá að fyrirtækin lúta ólíkum lögum og reglugerðum sem skapar óeðlilega samkeppni. Samkeppnin kristallast í því að ríkið, eigandi HHÍ, útvegar sér betri heimildir í samkeppni  við eigendur Íslandsspila, líknar-, mannúðar- og hjálparsamtök sem öll gegna veigamikilum og mikilvægum hlutverkum í íslensku samfélagi.

Íslandsspil er með tiltölulega lág efri mörk vinninga í spilakössum sínum, eða 20 þúsund krónur í söluturnum og 100-300 þúsund á vínveitingastöðum. Spilakassar Íslandsspila eru alls 390 á 75 stöðum stöðum um allt land. Rýmri heimildir í lögunum gera HHÍ aftur á móti kleift að starfrækja spilakassa með mun hærri vinningum en hjá Íslandsspilum.

Happdrætti Háskóla Íslands rekur Gullnámuna og Gullregn í 27 spilasölum um allt land með  tæplega 500 spilakössum. Kassar Gullnámunnar eru samtengdir milli spilastaða og bjóða upp á margra milljóna króna söfnunarpotta. Uppsöfnunin er auglýst á skiltum innan og utan spilastaðanna og á vefsíðu HHÍ. Hæsti vinningur er breytilegur, allt að 17 milljónir króna og getur hann verið að safnast upp á nokkrum vikum. Vísbendingar eru um að þeir sem eiga við spilavanda að stríða séu líklegri til að spila í samskonar kössum og Happdrætti Háskólans rekur; þar sem vogunin er mikil og vinningsvonin há. Pottasöfnun af þessu tagi er sambærileg við það sem tíðkast í erlendum kasínóum t.d. í Las Vegas og Macao. Hún þekkist hins vegar ekki í peningaspilum í Evrópulöndum.Árið 2018 voru tekjur Íslandsspila 1.337 mkr. og tekjur af spilakössum HHÍ 2.384 mkr. Rekstrarkostnaður Íslandsspila er um 40% af tekjum og rekstarkostnaður spilakassa HHÍ um 60% af tekjum.

Önnur peningaspil hér á landi

Lottó, getraunir, happdrætti, erlend netspilun og íþróttaveðmál á netinu velta mun hærri fjárhæðum en þær sem fara í gegnum spilakassana. Á árinu 2020 voru tekjur Íslenskrar getspár (Lottó og getraunir) áætlaðar 4,4 milljarðar króna og hagnaðarhlutfall 30%. Samkvæmt gagnaöflunarfyrirtækinu H2 Gambling Capital spiluðu Íslendingar fyrir 4,5 milljarða króna á tíu vinsælustu erlendu netspilasíðunum árið 2019. Þátttaka landsmanna í peningaspilum er því með afar fjölbreyttu móti og lætur nærri að í heild spili þeir fyrir 14 milljarða króna á ári. Vinningar eru ekki inni í þessari tölu, heldur eingöngu þær tekjur sem verða eftir og standa undir rekstrarkostnaði og hagnaði.

Spilatekjur streyma úr landi

Peningaspilun landsmanna á erlendum vefsíðum hefur vaxið jafnt og þétt undanfarin ár. H2 Gambling Capital telur að rúmlega 150 erlendar netspilasíður séu í boði hér á landi. Vinsælustu leikir þeirra eru spilakassar og íþróttaveðmál og 45% af allri netspiluninni fer fram í snjallsímum og spjaldtölvum. Á sama tíma hafa tekjur af íslenskum peningaspilum farið lækkandi. Engar innlendar vefsíður með spilaleikjum og rauntíma veðmálum standa til boða hér á landi og skýrir það ásóknina í erlendar síður með slíku efni. Flestir sem leyfi hafa til að reka happdrætti og önnur peningaspil hér á landi hafa talað fyrir því að stjórnvöld heimili rekstur innlendra netspilasíðna. Nánar er hægt að lesa um þær tillögur hér fyrir neðan.

Úrbætur á Norðurlöndunum

Hluti þeirra sem taka þátt í peningaspilum eiga við spilavanda að stríða. Á hinum Norðurlöndunum hefur verið gripið til áhrifaríkra aðgerða til að draga úr líkum á því að fólk missi tökin á fjármálum sínum eða lífi vegna spilafíknar. Samhliða hefur innlendri netspilun verið komið á og rekstrarumhverfi peningaspila einfaldað til að lækka kostnað og fá betri yfirsýn. Íslandsspil hefur talað fyrir því árum saman að hér á landi verði farin sama leið í þessum efnum og á Norðurlöndunum, en fengið litlar undirtektir stjórnvalda.

Spilakort til að takast á við spilavanda

Á Norðurlöndunum hefur verið tekið upp aðgangskort (spilakort) fyrir öll peningaspil. Spilakortið gerir fólki kleift að takmarka og hafa yfirsýn yfir spilaútgjöld sín. Ekki er hægt að nota spilakassa eða taka þátt í öðrum innlendum peningaspilum (þar á meðal lottó) nema hafa umrætt kort sem veitir aðgang. Kortið nýtist til að halda fjárhæð spilunar innan ákveðinna marka sem spilarinn ákveður fyrirfram og getur ekki breytt fyrr en einhverjum dögum síðar. Hann getur líka lokað fyrir aðganginn. Samtök áhugafólks um spilafíkn (SAS) hafa mælt með upptöku á slíku spilakorti hér á landi. Tekjur af spilakössum hafa minnkað töluvert á Norðurlöndunum við upptöku spilakortanna, sem bendir til að þau virki vel fyrir þá sem mestu eyða.

Nauðsynleg sameining peningaspilafyrirtækja

Til að spilakortin virki þurfa þau að gilda í öllum peningaspilum. Þetta hefur leitt til þess að fyrirtæki sem bjóða peningaspil á Norðurlöndunum hafa verið sameinuð á eina hendi í hverju landi fyrir sig. Góðgerðar-, mannúðar- og líknarsamtökin sem hafa haft peningaspilin á sinni könnu standa nú utan við reksturinn og er styrkjum úthlutað til þeirra af hagnaði peningaspilanna. Þessar ráðstafanir hafa leitt til þess að rekstrarkostnaður peningaspila hefur lækkað umtalsvert og vegur það á móti minnkandi tekjum af spilakössum.

Um leið og peningaspilin voru komin undir einn hatt á Norðurlöndunum sköpuðust aðstæður til að ráðast í gerð og markaðssetningu innlendra netspilaleikja. Markmið þess var að halda tekjum af netspilun innanlands og hafa þau áform heppnast afar vel. Innlendu netspilaleikirnir eru vinsælir og hafa tekið við af erlendu spilasíðunum að miklu leyti. Spilakort þarf til að taka þátt í þessum leikjum, líkt og öðrum peningaspilum á Norðurlöndunum.

Lítið þokast hér á landi

Íslandsspil og Happdrætti Háskóla Íslands hafa átt í viðræðum um upptöku spilakorts, en þær málaleitanir eru skammt á veg komnar. Ljóst er að til að ná sem bestum árangri þyrfti að sameina rekstur allra peningaspilafyrirtækja hér á landi undir einn hatt. Stjórnvöld þurfa að koma að málum af krafti og ljóst er að töluverðar lagabreytingar þurfa að eiga sér stað. Áhugi af hálfu stjórnvalda hefur hins vegar verið lítill.

Ætti að banna spilakassana?

Oft er því haldið fram að lausnin á spilavanda einstaklinga sé að banna spilakassa. Freistingarnar hverfa þó ekkert, og þá síst hjá þeim er glíma við spilavanda. Spilakassar eru vinsælustu peningaspilin á erlendum netsíðum, sem segir allt sem segja þarf. Helsti árangur þess að banna spilakassa væri að flytja tekjurnar úr landi. Erlend netspilun, íþróttaveðmál og getraunir eru ekkert á förum. Stóra spurningin er hvort Íslendingar vilji halda tökum á þessari starfsemi og stuðla að úrbótum fyrir fólk í spilavanda, eða missa hana alveg til útlanda og geta þá lítið sem ekkert gert til að bæði vernda fólk með spilavanda og að beina tekjum af peningaspilum til almannahagsmuna eins og kveðið er á um í lögum um happdrætti.

Þörf fyrir hófstilltari spilakassa

Ljóst er að Happdrætti Háskóla Íslands fer út á ystu nöf með framboði hárra spilavinninga og uppbyggingu spennu fyrir gullpottinum sem getur farið í 17 milljónir króna. Fyrirtækið kallar marga spilastaði sína „Casino slots“ jafnvel þó slík starfsemi sé ekki leyfð hér á landi.  Til samanburðar er hæsti vinningur hjá Íslandsspilum 20 þúsund krónur á almennum sölustöðum og 300 þúsund krónur á vínveitingastöðum.

Með sameiningu fyrirtækja sem leyfi hafa til reksturs peningaspila á Íslandi væri hægt stöðva innlenda samkeppni,  og þar með dempa niður framboðið af ánetjandi spilaframboði með lækkun hæstu vinninga og að stöðun uppsöfnunar vinningspotta. Viðbúið er að slíkar ráðstafanir leiði til lægri tekna, en á móti vegur lækkun rekstrarkostnaðar, fyrirkomulag peningaspilamarkaðarins og síðast en ekki síst, almannahagur.

Leyfi til reksturs peningaspila á Íslandi eru veitt til að tryggja að hagnaður renni til almannaheilla. Félagasamtök og góðgerðastofnanir fá leyfi til mismunandi tegunda peningaspila og hafa Íslandsspil leyfi dómsmálaráðherra til að reka spilakassa samkvæmt lögum um söfnunarkassa (73/1994) og reglugerð um söfnunarkassa (320/2008).

Mikil ábyrgð fylgir því að hafa þessa heimild til tekjuöflunar. Íslandsspil leggja því áherslu á gagnsæi í rekstri ásamt því að sýna samfélagslega ábyrgð. Þar á meðal er að fylgjast með umfangi spilavanda og leggja hönd á plóginn til að bæta úr.

Meðal verkefna á sviði samfélagsábyrgðar má nefna:

  • Styrkjum allar íslenskar tíðnirannsóknir á spilavanda
  • Tökum árlega þátt í rannsóknum Rannsóknar og greiningar
  • Styrkjum norrænar ráðstefnur um rannsóknir á spilavanda (SNSUS)
  • Tökum þátt í Norrænu samstarfi um ábyrga spilun
  • Veitum styrki til Hjálparsíma 1717 
  • Veitum styrki til SÁÁ vegna meðferða
  • Leggjum mikla áherslu á lágmarksaldur spilara 
  • Fræðsla fyrir spilara og sölustaði og rekstur á ábyrgspilun.is í samstarfi við HHÍ

Sögu „söfnunarkassa“ má rekja til ársins 1972 þegar Rauði krossinn fékk leyfi til reksturs "tíkallakassa" sem margir muna vel eftir. Ágóðinn rann til góðgerðamála Rauða krossins, aðallega til reksturs sjúkrabíla. Í kjölfar eldgosins í Vestmannaeyjum árið 1973 var aukin þörf fyrir fé til hjálparstarfs og kössum fjölgað. 

Um 1980 fengu SÁÁ, Landsbjörg og Slysavarnafélag Íslands samskonar leyfi til reksturs, en nýttu það ekki fyrr en 1989. Þá hófu Rauði krossinn og  SÁÁ samstarf og ári síðar slógust í hópinn Slysavarnafélag Íslands og Landsbjörg (nú Slysavarnafélagið Landsbjörg).

Árið 1994 eru Íslenskir söfnunarkassar formlega stofnaðir og árið 2003 var nafni fyrirtækisins breytt í Íslandsspil.

Markmið og stefna Íslandsspila er að skila sem mestum hagnaði til eigenda, sem allir gegna grunnhlutverki í íslensku samfélagi og styrkja stoðir samfélagsins - hver á sinn hátt. Undanfarin ár hefur 60-70% hagnaðar Íslandsspila skilað sér til eigenda og áfram til almennings í þeirri grunnþjónustu sem eigendur Íslandsspila gegna á Íslandi.  

Ársreikningur 2013

Ársreikningur 2014

Ársreikningur 2015

Ársreikningur 2016

Ársreikningur 2017

Ársreikningur 2018

Ársreikningur 2019